ଜାତୀୟ ଡାକ୍ତର ଦିବସରେ ଡାକ୍ତରଙ୍କ କାର୍ଯ୍ୟବନ୍ଦ*

admin1 admin1
Jul 2, 2026 - 10:48
8
ଜାତୀୟ ଡାକ୍ତର ଦିବସରେ ଡାକ୍ତରଙ୍କ କାର୍ଯ୍ୟବନ୍ଦ*

ଓଡିଶା ମେଡ଼ିକାଲ ସର୍ଭିସ ଆସୋସିଏସନ ପକ୍ଷରୁ କାର୍ଯ୍ୟବନ୍ଦ ଡାକରା ରେ ବୌଦ୍ଧ ଜିଲ୍ଲା ଡାକ୍ତର ସାମିଲ : *ଜାତୀୟ ଡାକ୍ତର ଦିବସରେ ଡାକ୍ତରଙ୍କ କାର୍ଯ୍ୟବନ୍ଦ* ବୌଦ୍ଧ:୦୧/୭(ରବିନ୍ଦ୍ର ପଟ୍ଟନାୟକ) ନିରନ୍ତର ସ୍ୱାସ୍ଥ୍ୟ ସେବା ଯୋଗାଉଥିବା ତଥା ଦ୍ବିତୀୟ ଭଗବାନ ରୂପେ ସାଧାରଣ ରେ ଡାକ୍ତର ଙ୍କୁ ହିଁ ସାରା ଜଗତ ଜାଣିଥାନ୍ତି । ମଣିଷ ଯେତେବେଳେ ରୋଗରେ ଆକ୍ରାନ୍ତ ହୁଏ ସେତେବେଳେ ବହୁ ଆଶା ଓ ଆକାଂକ୍ଷା ନେଇ ଡାକ୍ତର ଙ୍କ ଭରୋଷା ରେ ଚିକିତ୍ସା ନିମନ୍ତେ ଡାକ୍ତର ଖାନା ଆସିଥାଏ । ସେମାନେ ନିରନ୍ତର ସ୍ୱାସ୍ଥ୍ୟ ସେବା ଯୋଗାଇ ଥାନ୍ତି କିନ୍ତୁ ଆଜି ଡାକ୍ତର ଦିବସରେ ଡାକ୍ତରଙ୍କ କାର୍ଯ୍ୟବନ୍ଦ କୁ ନେଇ ଜନସାଧାରଣରେ ଅସନ୍ତୋଷ ପ୍ରକାଶ ପାଇଥିବା ଦେଖିବାକୁ ମିଳିଛି ବୌଦ୍ଧ ମୁଖ୍ୟ ଚିକିତ୍ସାଳୟରେ ।ମିଳିଥିବା ସୂଚନା ଅନୁଯାୟୀ ଆଜି ଜୁଲାଇ ୧ ତାରିଖ କୁ ଜାତୀୟ ଡାକ୍ତର ଦିବସ ଭାବେ ପରିଗଣିତ କରାଯାଇଛି । କିନ୍ତୁ ଆଜି ଭଳି ଦିନରେ ବୌଦ୍ଧର ବିଭିନ୍ନ ସ୍ଥାନରେ କାର୍ଯ୍ୟରତ ଡାକ୍ତର ମାନେ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇ ଥିବା ଜଣାପଡ଼ିଛି l ସେମାନଙ୍କ ଦାବି ପୂରଣ ନେଇ ଓମ ସା ପକ୍ଷରୁ ସରକାରଙ୍କୁ ୬ ମାସ ପୂର୍ବରୁ ଦାବୀ ପତ୍ର ପ୍ରଦାନ କରାଯାଇଥିଲା କିନ୍ତୁ ସରକlର ସେମାନଙ୍କ ଦାବି ଉପରେ ଉଚିତ୍ ପଦକ୍ଷେପ ଗ୍ରହଣ କରି ନ ଥିବାରୁ ସାରା ଓଡ଼ିଶାରେ ଡାକ୍ତର ମାନେ ଡାକ୍ତର ଦିବସରେ ବାଧ୍ୟ ହୋଇ ଆନ୍ଦୋଳନକୁ ଓହ୍ଲାଇ ଥିବାବେଳେ ବୌଦ୍ଧ ର ଡାକ୍ତର ମାନେ ମଧ୍ୟ ଏହି ଆନ୍ଦୋଳନରେ ସାମିଲ ହୋଇଛନ୍ତି ବୋଲି ମୁଖ୍ୟ ଚିକିତ୍ସାଳୟର ଏଡିମଓ ବିକେଆରସି ହେମ୍ରମ ପ୍ରକାଶ କରିଛନ୍ତି l ତେବେ ସେମାନଙ୍କ ଦାବି ପୂରଣ ନ ହେବା ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଏହି କାର୍ଯ୍ୟବନ୍ଦ ଆନ୍ଦୋଳନ ଜାରି ରହିବ ବୋଲି ସେ ସୂଚନା ଦେଇଛନ୍ତି l ଏହାଦ୍ୱାରା ବୌଦ୍ଧ ଜିଲ୍ଲାର ତିନି ଗୋଟି ବ୍ଲକ୍ ରେ ରୋଗୀ ସେବା ପ୍ରଦାନ ବ୍ୟାହତ ହୋଇଥିବା ଜଣାପଡ଼ିଛି l ତେବେ ଜରୁରୀକାଳୀନ ସେବା ପ୍ରଦାନ ଜାରି ରହିବ ବୋଲି ଡକ୍ଟର ହେମ୍ରମ ପ୍ରକାଶ କରିଛନ୍ତି l