ଅବହେଳିତ ଯୁଆଙ୍ଗ ବସ୍ତି ରେ ଶ୍ରୀ ଜଗନ୍ନାଥ ଟ୍ରଷ୍ଟ ପକ୍ଷରୁ ବସ୍ତ୍ର ବଣ୍ଟନ କାର୍ଯ୍ୟକ୍ରମ.

admin1 admin1
Jun 21, 2026 - 15:41
4
ଅବହେଳିତ ଯୁଆଙ୍ଗ ବସ୍ତି ରେ ଶ୍ରୀ ଜଗନ୍ନାଥ ଟ୍ରଷ୍ଟ ପକ୍ଷରୁ ବସ୍ତ୍ର ବଣ୍ଟନ କାର୍ଯ୍ୟକ୍ରମ.

ଅବହେଳିତ ଯୁଆଙ୍ଗ ବସ୍ତି ରେ ଶ୍ରୀ ଜଗନ୍ନାଥ ଟ୍ରଷ୍ଟ ପକ୍ଷରୁ ବସ୍ତ୍ର ବଣ୍ଟନ କାର୍ଯ୍ୟକ୍ରମ ଯାଜପୁର ଜିଲ୍ଲାର ନଗଡା ର ନାମ ଅନେକ ଜାଣିଥିବେ l ସେମାନେ ମୌଳିକ ସୁବିଧା ରୁ ବଞ୍ଚିତ ଅଟନ୍ତି l ଯାଜପୁର ଜିଲ୍ଲାର ସୁକିନ୍ଦା ବ୍ଲକ ଅନ୍ତର୍ଗତ କଅଁସ ପଂଚାୟତ ର ଟିକରପଡା ଗ୍ରାମ ଏବେବି ଅଭାବ ଅନଟନ ର ଉଦାହରଣ ରେ ରହିଛି l ବଜାର ର ବହୁତ ଦୂରତା ଥିବାରୁ ଅର୍ଥ ର ଅଭାବ ଥିବାରୁ ବସ୍ତ୍ର ର ବହୁତ ଅଭାବ ଏଠାରେ ପରିଲକ୍ଷିତ ହୋଇଥାଏ l ଦୈତାରି ପାହାଡ଼ ର ପାଦ ଦେଶ ରେ ଅବସ୍ଥିତ ଏହି ଯୁଆଙ୍ଗ ବସ୍ତି ରେ ଚର୍ମ ଜନିତ ରୋଗ ସହ ଖାଦ୍ୟ ଓ ବସ୍ତ୍ର ର ଅଭାବ ରହିଛି l ଜଙ୍ଗଲ କାଠ ଓ ପତ୍ର ସଂଗ୍ରହ ରେ ଏମାନେ ଚଳିଥାନ୍ତି l ଏହିପରି ଅବସ୍ଥା କୁ ଅନୁଧ୍ୟାନ କରିବା ପରେ ଓଡିଶା ର ସାମାଜିକ ଅନୁଷ୍ଠାନ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ଏକ ଟିମ ଏହି ସ୍ଥାନ ରେ ପହଁଚିଥିଲା l ବସବାସ କରିଥିବା ଅନ୍ୟୁନ ପଚାଶ ପରିବାର ଙ୍କ ପାଇଁ ବସ୍ତ୍ର ତାଙ୍କ ଅଂଚଳ ରେ ପହଞ୍ଚାଇଥିଲେ l ଛୋଟ ଛୁଆ ମାନେ ବସ୍ତ୍ର ପାଇବା ପରେ ଖୁସି କହିଲେ ନ ସରେ l ବୟସ୍କ ମାନେ ନିଜ ନିଜ ପରିବାର ପାଇଁ ବସ୍ତ୍ର ସଂଗ୍ରହ କରିଥିଲେ l ପରିଶେଷରେ ବୁଢ଼ୀ ମା ଓ ବୁଢା ବାପା ମାନେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର କର୍ମ ପାଇଁ ଆଶୀର୍ବାଦ ପ୍ରଦାନ କରିଥିଲେ l ଏହି କାର୍ଯ୍ୟକ୍ରମ ରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଭାପତି ଦମନ ମହାନ୍ତି, କେଦାର ସ୍ୱାଇଁ, ମନୋଜ ରାଉତ, ରାକେଶ ବଳ, ତପନ ସେନାପତି, ମନୋଜ ନାୟକ, ରମେଶ ଦେଉରୀ, ସୀତାରାମ ମଲ୍ଲିକ, କଟକ ଜିଲ୍ଲା ପ୍ରତିନିଧି ମକର ବେହେରା ଓ ୟୁଟୁବର ଗୌରାଙ୍ଗ ନାୟକ ଉପସ୍ଥିତ ଥିଲେ l ସଞ୍ଜୟ କୁମାର ପଣ୍ଡା ବିଶେଷ ଖବର ଜିଲ୍ଲା ପ୍ରତିନିଧି, କେନ୍ଦ୍ରାପଡ଼ା