ବୌଦ୍ଧରେ ଜିଲ୍ଲାରେ ନିଟ୍ ପରୀକ୍ଷାର୍ଥୀଙ୍କ ପାଇଁ ମାଗଣା ପରିବହନ ସେବାର ଶୁଭାରମ୍ଭ।

admin1 admin1
Jun 22, 2026 - 15:59
42
ବୌଦ୍ଧରେ ଜିଲ୍ଲାରେ ନିଟ୍ ପରୀକ୍ଷାର୍ଥୀଙ୍କ ପାଇଁ ମାଗଣା ପରିବହନ ସେବାର ଶୁଭାରମ୍ଭ।

ବୌଦ୍ଧରେ ଜିଲ୍ଲାରେ ନିଟ୍ ପରୀକ୍ଷାର୍ଥୀଙ୍କ ପାଇଁ ମାଗଣା ପରିବହନ ସେବାର ଶୁଭାରମ୍ଭ। ବୌଦ୍ଧ:୨୧/୦୬(ରବିନ୍ଦ୍ର ପଟ୍ଟନାୟକ) ନିଟ୍ ୟୁଜି (NEET UG) ପରୀକ୍ଷାର୍ଥୀମାନଙ୍କ ସୁବିଧା ଓ ନିରାପଦ ଯାତାୟାତକୁ ଦୃଷ୍ଟିରେ ରଖି ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ମାଗଣା ପରିବହନ ସେବାର ବ୍ୟବସ୍ଥା କରାଯାଇଛି । ଏହି ସେବାର ଶୁଭାରମ୍ଭ ବୌଦ୍ଧ ବିଧାୟକ ତଥା ସରକାରୀ ଦଳର ମୁଖ୍ୟ ସଚେତକ ଶ୍ରୀଯୁକ୍ତ ସରୋଜ କୁମାର ପ୍ରଧାନ, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସନା, ଜିଲ୍ଲାପାଳ ବିଭୂତି ଭୂଷଣ ନାୟକ ଓ ଆରକ୍ଷୀ ଅଧୀକ୍ଷକ କୁଲଦୀପ ମିନାଙ୍କ ଦ୍ୱାରା ଏବଂ ସମସ୍ତ ଜିଲ୍ଲା ସ୍ତରୀୟ ଅଧିକାରୀମାନଙ୍କ ଉପସ୍ଥିତିରେ ସବୁଜ ପତାକା ଦେଖାଇ ଯାତ୍ରାର ଶୁଭାରମ୍ଭ କରାଯାଇଥିଲା। ଏହି ଅବସରରେ ମୋଟ ୧୬ ଜଣ ନିଟ୍ ପରୀକ୍ଷାର୍ଥୀଙ୍କୁ ସେମାନଙ୍କ ନିର୍ଦ୍ଧାରିତ ପରୀକ୍ଷା କେନ୍ଦ୍ରକୁ ପହଞ୍ଚାଇବା ପାଇଁ ପରିବହନ ସହାୟତା ପ୍ରଦାନ କରାଯାଇଥିଲା। ବଲାଙ୍ଗୀର ପରୀକ୍ଷା କେନ୍ଦ୍ର ପାଇଁ ୮ ଜଣ ପରୀକ୍ଷାର୍ଥୀ ଓ ସେମାନଙ୍କ ଅଭିଭାବକଙ୍କୁ ମିଶାଇ ମୋଟ ୧୬ ଜଣଙ୍କୁ ଏକ ଟ୍ରାଭେଲର ଗାଡ଼ିରେ ପଠାଯାଇଥିଲା। ସେହିପରି ଫୁଲବାଣୀ ପରୀକ୍ଷା କେନ୍ଦ୍ର ପାଇଁ ୩ ଜଣ ପରୀକ୍ଷାର୍ଥୀ ଓ ସେମାନଙ୍କ ଅଭିଭାବକଙ୍କୁ ଏକ ବୋଲେରୋ ଯାନରେ ପଠାଯାଇଥିଲା। ଏହାବ୍ୟତୀତ ଭୁବନେଶ୍ୱର ପରୀକ୍ଷା କେନ୍ଦ୍ର ପାଇଁ ୩ ଜଣ ଏବଂ ସମ୍ବଲପୁର ପରୀକ୍ଷା କେନ୍ଦ୍ର ପାଇଁ ୨ ଜଣ ପରୀକ୍ଷାର୍ଥୀଙ୍କ ଯାତାୟାତ ବ୍ୟବସ୍ଥା ଓଏସଆରଟିସି (OSRTC) ବସ୍ ମାଧ୍ୟମରେ କରାଯାଇଥିଲା। ଜିଲ୍ଲା ପ୍ରଶାସନର ଏହି ପଦକ୍ଷେପକୁ ପରୀକ୍ଷାର୍ଥୀ ଓ ସେମାନଙ୍କ ଅଭିଭାବକମାନେ ସ୍ୱାଗତ କରିଥିଲେ। ଦୂରସ୍ଥ ପରୀକ୍ଷା କେନ୍ଦ୍ରକୁ ଯିବାରେ ହେଉଥିବା ଅସୁବିଧା ଦୂର କରିବା ସହ ପରୀକ୍ଷାର୍ଥୀମାନେ ନିର୍ବିଘ୍ନରେ ପରୀକ୍ଷାରେ ଅଂଶଗ୍ରହଣ କରିପାରିବେ ବୋଲି ଜିଲ୍ଲା ପ୍ରଶାସନ ପକ୍ଷରୁ ଆଶା ପ୍ରକାଶ କରାଯାଇଛି।