ମାଲକାନଗିରି ଜିଲ୍ଲା ଲୋକକଳାର ମହାସମାରୋହ: ଶିରଗୁଡ଼ାରେ ରଙ୍ଗାରଙ୍ଗ ଲୋକକଳା ମହୋତ୍ସବ ଅନୁଷ୍ଠିତ l

admin1 admin1
Jun 6, 2026 - 21:52
63
ମାଲକାନଗିରି ଜିଲ୍ଲା ଲୋକକଳାର ମହାସମାରୋହ: ଶିରଗୁଡ଼ାରେ ରଙ୍ଗାରଙ୍ଗ ଲୋକକଳା ମହୋତ୍ସବ ଅନୁଷ୍ଠିତ l

ମାଲକାନଗିରି ଜିଲ୍ଲା ଲୋକକଳାର ମହାସମାରୋହ: ଶିରଗୁଡ଼ାରେ ରଙ୍ଗାରଙ୍ଗ ଲୋକକଳା ମହୋତ୍ସବ ଅନୁଷ୍ଠିତ l ମାଥିଲି, (ଶିବପ୍ରସାଦ ପରିଛା ବିଶେଷ ଖବର ) ମାଲକାନଗିରି ଜିଲ୍ଲାର ମାଥିଲି ବ୍ଲକ ଅନ୍ତର୍ଗତ ପାଙ୍ଗାମ ପଞ୍ଚାୟତର ଶିରାଗୁଡ଼ା ଗ୍ରାମରେ ଏକ ଭବ୍ୟ ଓ ଆକର୍ଷଣୀୟ ଜିଲ୍ଲାସ୍ତରିୟ ଲୋକକଳା ମହୋତ୍ସବ-୨୦୨୬ ଅନୁଷ୍ଠିତ ହୋଇଯାଇଛି। ମାଲ୍ୟବନ୍ତ ଦେଶିଆ ନାଟ୍ୟସଂଘ ଲୋକକଳା ସାଂସ୍କୃତିକ ସଂଗଠନର ଆନୁକୂଲ୍ୟରେ ଆୟୋଜିତ ଏହି ମହୋତ୍ସବରେ ଅଞ୍ଚଳର ବହୁ କଳାକାର, ବୁଦ୍ଧିଜୀବୀ, ସାଂସ୍କୃତିକ ପ୍ରେମୀ ଓ ସାଧାରଣ ଜନତାଙ୍କ ଉତ୍ସାହପୂର୍ଣ୍ଣ ଯୋଗଦାନ ଦେଖିବାକୁ ମିଳିଥିଲା। କାର୍ଯ୍ୟକ୍ରମରେ ମୁଖ୍ୟଅତିଥି ବାସୁଦେବ ମାଲବିଶଇ, ମୁଖ୍ୟ ବକ୍ତା ଘେନୁ ମୁଦୁଲି, (ଜିଲ୍ଲା କଳା ସଂକୃତି ସଙ୍ଘ ସଭାପତି,)ସ୍ନମାନୀତ ଅତିଥି ଜିଲ୍ଲା ସଂସ୍କୃତି ଅଧିକାରୀ ସନ୍ତ୍ରା ନାରାୟଣ ପଣ୍ଡା, ଅତିରିକ୍ତ ଜିଲ୍ଲାପାଳ ଦେବଦତ୍ତ ପ୍ରଧାନ,ଜିଲ୍ଲା ପରିଷଦ ସଭ୍ୟା ଲଷ୍ମୀପ୍ରିୟା ନାୟକ, ଜିଲ୍ଲା ପରିଷଦ ସଭ୍ୟା ସସ୍ମିତା ମାଝୀ,ଜିଲ୍ଲା ଆଦିବାସୀ ମହାସଂଘ ସଭାପତି ବନ୍ଧୁ ମୁଦୁଲି, ମାଥିଲି ବିଡିଓ ପ୍ରମୋଦ କୁମାର ବେହେରା,ମାଥିଲି ବିଏସଏସଓ ସଞ୍ଜୟ କୁମାର ସାମଲ,ଲୋକ କଳା ଓ ଲୋକ ସଂସୃତି ମହାସଂଘର ଜିଲ୍ଲା ସଭାପତି ଧନୁର୍ଜୟ ହନ୍ତାଲ, ସ୍ଥାନୀୟ ସରପଞ୍ଚ ଇନ୍ଦ୍ର ନାୟକ, ପୂର୍ବତନ ବ୍ଲକ ଅଧକ୍ଷ ତ୍ରିନାଥ ଭୂମିଆ, ବରିଷ୍ଟ ବାମପନ୍ଥି ନେତା ହଳଧର ପୁଜାରୀ, ସମାଜସେବୀ ପ୍ରଶାନ୍ତ କୁମାର ସଗରିଆ,ନାଟଗୁରୁ ସଂଘର ସମ୍ପାଦକ ଧାନ ଫୁଲ ବାରିକ, ଉପଦେଷ୍ଟା ଦାମଦର କଡା, ବିଶ୍ଵନାଥ ବାରିକ, ଡମୁ ହନ୍ତାଲ, ଭାସ୍କର ରାଓ, ନିତ୍ୟାନନ୍ଦ ପରିଡା ସୂର୍ଯ୍ୟ ନାରାୟଣ ରଣା, ତ୍ରିନାଥ କଡା, ସୁଶ୍ରୀ ସନାଲି ପଡିଆମୀ, ସୁଶ୍ରୀ ନିର୍ମଳା ଏକା,ପ୍ରମୁଖ ଅତିଥି ଭାବେ ଯୋଗଦେଇ ଲୋକକଳା ଓ ଆଦିବାସୀ ସଂସ୍କୃତିର ସଂରକ୍ଷଣ ସମ୍ପର୍କରେ ନିଜର ମତାମତ ରଖିଥିଲେ। ଅତିଥିମାନେ କହିଥିଲେ ଯେ, ଲୋକକଳା ହେଉଛି ଏକ ଜାତିର ପରିଚୟ ଓ ଐତିହ୍ୟର ଦର୍ପଣ। ଏହାକୁ ବଞ୍ଚାଇ ରଖିବା ଆମ ସମସ୍ତଙ୍କ ଦାୟିତ୍ୱ। ଏହି ମହୋତ୍ସବର ମୁଖ୍ୟ ଉଦ୍ଦେଶ୍ୟ ଥିଲା ମାଲକାନଗିରି ଅଞ୍ଚଳର ସମୃଦ୍ଧ ଆଦିବାସୀ ଓ ଲୋକ ସଂସ୍କୃତିକୁ ନୂତନ ପିଢ଼ି ନିକଟରେ ପହଞ୍ଚାଇବା ସହ ଏହାର ସୁରକ୍ଷା, ପ୍ରଚାର ଓ ପ୍ରସାର କରିବା। ଆଧୁନିକତାର ପ୍ରଭାବରେ ଅନେକ ପାରମ୍ପରିକ କଳା ଓ ସଂସ୍କୃତି ଧୀରେ ଧୀରେ ଲୋପ ପାଇବାକୁ ବସିଥିବା ବେଳେ ଏଭଳି ଆୟୋଜନ ଲୋକକଳା ପ୍ରତି ନୂତନ ଆଗ୍ରହ ସୃଷ୍ଟି କରୁଛି ବୋଲି ବକ୍ତାମାନେ ମତ ପ୍ରକାଶ କରିଥିଲେ। ମହୋତ୍ସବରେ ବିଭିନ୍ନ ଅଞ୍ଚଳରୁ ଆସିଥିବା କଳାକାରମାନେ ଦେଶିଆ ନୃତ୍ୟ, ଢେମସା ନୃତ୍ୟ, ଲୋକଗୀତ, ପାରମ୍ପରିକ ବାଦ୍ୟଯନ୍ତ୍ର ବାଦନ ଓ ସାଂସ୍କୃତିକ ପରିବେଷଣ ମାଧ୍ୟମରେ ଦର୍ଶକଙ୍କ ମନୋରଞ୍ଜନ କରିଥିଲେ। ରଙ୍ଗବେରଙ୍ଗ ପାରମ୍ପରିକ ପୋଷାକ, ଲୋକବାଦ୍ୟର ତାଳ ଏବଂ ନୃତ୍ୟର ମନୋମୁଗ୍ଧକର ପ୍ରଦର୍ଶନ ସମଗ୍ର ପରିବେଶକୁ ଉତ୍ସବମୁଖର କରିଦେଇଥିଲା। କଳାକାରମାନଙ୍କ ଚମତ୍କାର ପରିବେଷଣକୁ ଦର୍ଶକମାନେ ତାଳି ଓ ଉତ୍ସାହର ସହ ସ୍ୱାଗତ କରିଥିଲେ। ଏହି ଅବସରରେ ବକ୍ତାମାନେ କହିଥିଲେ ଯେ, ଲୋକକଳା କେବଳ ମନୋରଞ୍ଜନର ମାଧ୍ୟମ ନୁହେଁ, ବରଂ ଏହା ଆମର ସାମାଜିକ ମୂଲ୍ୟବୋଧ, ପରମ୍ପରା, ଭାଷା ଓ ଜୀବନଶୈଳୀର ଏକ ଜୀବନ୍ତ ପ୍ରତୀକ। ଲୋକକଳା ମାଧ୍ୟମରେ ଆମର ଇତିହାସ, ସଂସ୍କୃତି ଓ ଜୀବନ ଦର୍ଶନ ପିଢ଼ିରୁ ପିଢ଼ିକୁ ସଂଚାରିତ ହୋଇଥାଏ। ତେଣୁ ଏହାର ସୁରକ୍ଷା ଓ ବିକାଶ ପାଇଁ ସମସ୍ତଙ୍କ ସହଯୋଗ ଆବଶ୍ୟକ ବୋଲି ସେମାନେ ମତ ରଖିଥିଲେ। ସ୍ଥାନୀୟ କଳାକାରମାନେ ମଧ୍ୟ ଏଭଳି ମଞ୍ଚ ମିଳୁଥିବାରୁ ଖୁସି ବ୍ୟକ୍ତ କରିଥିଲେ। ସେମାନେ କହିଥିଲେ ଯେ, ଲୋକକଳାକୁ ବଞ୍ଚାଇ ରଖିବା ପାଇଁ ନିୟମିତ ଭାବେ ଏଭଳି ସାଂସ୍କୃତିକ ଉତ୍ସବର ଆୟୋଜନ ହେବା ଆବଶ୍ୟକ। ଏହାଦ୍ୱାରା ନୂତନ କଳାକାରମାନେ ନିଜର ପ୍ରତିଭା ପ୍ରଦର୍ଶନ କରିବାର ସୁଯୋଗ ପାଇବେ ଏବଂ ଅଞ୍ଚଳର ସାଂସ୍କୃତିକ ପରମ୍ପରା ଅଧିକ ସୁଦୃଢ଼ ହେବ। ଶେଷରେ ଆୟୋଜକ ସଂଗଠନ ପକ୍ଷରୁ ସମସ୍ତ ଅତିଥି, କଳାକାର, ସହଯୋଗୀ ଏବଂ ଉପସ୍ଥିତ ଜନସାଧାରଣଙ୍କୁ ଧନ୍ୟବାଦ ଜଣାଯାଇଥିଲା। ଉତ୍ସାହ, ଆନନ୍ଦ ଓ ସାଂସ୍କୃତିକ ଚେତନାର ପରିବେଶ ମଧ୍ୟରେ ଅନୁଷ୍ଠିତ ଏହି ଲୋକକଳା ମହୋତ୍ସବ ଶିରାଗୁଡ଼ା ଅଞ୍ଚଳରେ ଏକ ସ୍ମରଣୀୟ ଅଧ୍ୟାୟ ସୃଷ୍ଟି କରିଛି ବୋଲି ସାଧାରଣରେ ମତ ପ୍ରକାଶ ପାଇଛି।