ବୌଦ୍ଧ ରେ ବିଶ୍ବ ରକ୍ତଦାତା ଦିବସ ପାଳିତ.

admin1 admin1
Jun 15, 2026 - 10:40
15
ବୌଦ୍ଧ ରେ ବିଶ୍ବ ରକ୍ତଦାତା ଦିବସ ପାଳିତ.

ବୌଦ୍ଧ ରେ ବିଶ୍ବ ରକ୍ତଦାତା ଦିବସ ପାଳିତ *ସଚେତନତା ଅଭାବରୁ ରକ୍ତ ଅଭାବ* *ବାର୍ଷିକ ଛଅ ହଜାର ୟୁନିଟ୍ ରକ୍ତ ଆବଶ୍ୟକ* ବୌଦ୍ଧ:୧୪/୬(ରବିନ୍ଦ୍ର ପଟ୍ଟନାୟକ) ଆଜି ସମଗ୍ର ବିଶ୍ଵରେ ବିଶ୍ଵ ରକ୍ତଦାତା ଦିବସ ଅନୁଷ୍ଠିତ ହୋଇଯାଇଛି l ବୌଦ୍ଧ ମୁଖ୍ୟ ଚିକିତ୍ସାଳୟ ତାଲିମ କେନ୍ଦ୍ରରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ମହେନ୍ଦ୍ର କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା l ରକ୍ତ କେନ୍ଦ୍ର ଅଧିକାରୀ ଡାକ୍ତର ହେମ୍ବ୍ରମ ରକ୍ତ କେନ୍ଦ୍ରର ସ୍ଥିତି ସମ୍ପର୍କରେ ଆଲୋଚନା କରିଥିଲେ l ସମ୍ମାନୀତ ଅତିଥି ଭାବେ ଏଡିଏମଓ କିଶୋର ପଟ୍ଟନାୟକ, ଭେଷଜ ବିଶେଷଜ୍ଞ ଡାକ୍ତର ଅଶୋକ କୁମାର ପ୍ରଧାନ, ଡିପିଏମ ଗିରିଜା ମିଶ୍ର ରକ୍ତ ଦାନ ର ଗୁରୁତ୍ଵ ଉପରେ ଆଲୋଚନା କରିଥିଲେ l ସ୍ୱେଚ୍ଛାକୃତ ରକ୍ତଦାତା ଓ ପ୍ରବର୍ତ୍ତକ ସଂଘର ସଭାପତି ପ୍ରବୀର କୁମାର ଦାସ, ସମ୍ପାଦକ ଦେବାଶିଷ ପୁରୋହିତ, ଉପଦେଷ୍ଟା ଜୟ ନାରାୟଣ ମହାନ୍ତି, କାଉନ୍ ସେଲ ର ସୁରେଶ୍ଵର ଯୋଶୀ ରକ୍ତଦାନ ଶିବିର ଆୟୋଜନରେ ରହିଥିବା ସମସ୍ୟାର ସମାଧାନ ଓ ରକ୍ତଦାତା ମାନଙ୍କୁ ଉପଯୁକ୍ତ ଯତ୍ନ ଦିଆଗଲେ ରକ୍ତ ସଂଗ୍ରହ ବୃଦ୍ଧି ପାଇପାରିବ ବୋଲି ନିଜ ନିଜ ମତ ପ୍ରକାଶ କରିଥିଲେ l ଉପସ୍ଥିତ କାର୍ଯ୍ୟକର୍ତ୍ତା ଓ ରକ୍ତଦାତା ନିଜ ନିଜ ମତ ପ୍ରକାଶ କରିଥିଲେ l ଏହି ଅବସରରେ ରକ୍ତଦାତା ଭାଇ ଭଉଣୀ ଓ ରକ୍ତଦାନ ଶିବିର ଆୟୋଜକ ଅନୁଷ୍ଠାନ ମାନଙ୍କୁ ଟ୍ରଫି ଦେଇ ସମ୍ବର୍ଦ୍ଧନା ପ୍ରଦାନ କରା ଯାଉଥିଲା l ଜିଲ୍ଲା ଛଅ ହଜାର ୟୁନିଟ୍ ରକ୍ତ ଆବଶ୍ୟକ ରହିଥିବାରୁ ଏକ ଶହ ଶିବିର ଆୟୋଜନ କରିବା ପାଇଁ ବାର୍ଷିକ କ୍ୟାଲେଣ୍ଡର ପ୍ରସ୍ତୁତ କରିବା ପାଇଁ ପ୍ରସ୍ତାବ ଗ୍ରହଣ କରାଯାଇ ଥିଲା l ବର୍ଷକୁ ଦୁଇଥର ତାଲିମ ଶିବିର ଆୟୋଜନ କରିବା ସହିତ ସଂଗଠନ ମାନଙ୍କୁ ପ୍ରୋତ୍ସାହନ ପ୍ରଦାନ କରାଗଲେ କାର୍ଯ୍ୟକର୍ତ୍ତା ଉତ୍ସାହିତ ହୋଇ ପାରିବେ ବୋଲି ପ୍ରକାଶ ପାଇଥିଲା l ଶେଷରେ ଡିପିଏମ ଶ୍ରୀ ମିଶ୍ର ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମକୁ ରକ୍ତ କେନ୍ଦ୍ରର କର୍ମଚାରୀ ରଘୁନାଥ ସାହୁ, ଦିଲ୍ଲୀପ କୁମାର ଭୋଇ, ରୁତମ୍ଭରା ସାହୁ, ସୁରଜ ଭୋକ୍ତା ପରିଚାଳନା କରିଥିଲେ l ରକ୍ତ କେନ୍ଦ୍ର ଠାରେ ଆୟୋଜିତ ରକ୍ତଦାନ ଶିବିର ରେ ସ୍ୱେଚ୍ଛାକୃତ ଭାବେ ଭାଇ ଭଉଣୀ ମାନେ ରକ୍ତଦାନ କରିଥିଲେ l