*ମମତା - ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା*
admin
ଗୁଣପୁର, ଅକ୍ଟୋବର ୨୧:
ଗର୍ଭବତୀ ଓ ପ୍ରସୂତି ମହିଳାଙ୍କ ସ୍ୱାସ୍ଥ୍ୟ, ପୁଷ୍ଟିକର ଖାଦ୍ୟ ଏବଂ ସୁରକ୍ଷିତ ମାତୃତ୍ୱକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ମମତା–ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା (MAMATA–PMMVY) କାର୍ଯ୍ୟକାରୀ ହୋଇଛି। ଏହି ଯୋଜନା ଅଧୀନରେ ଯୋଗ୍ୟ ଗର୍ଭବତୀ ମହିଳାଙ୍କୁ ନିର୍ଦ୍ଧାରିତ ସର୍ତ୍ତ ପୂରଣ ପରେ ସରକାରଙ୍କ ପକ୍ଷରୁ ପର୍ଯ୍ୟାୟକ୍ରମେ ଆର୍ଥିକ ସହାୟତା ପ୍ରଦାନ କରାଯାଉଛି। ଓଡ଼ିଶାରେ ଏହି ଯୋଜନା ଅନୁସାରେ କନ୍ୟା ସନ୍ତାନ ଜନ୍ମ ହେଲେ ₹୧୨,୦୦୦ ଏବଂ ପୁତ୍ର ସନ୍ତାନ ଜନ୍ମ ହେଲେ ₹୧୦,୦୦୦ ପର୍ଯ୍ୟନ୍ତ ସହାୟତା ମିଳୁଛି।
ଯୋଜନାର ସଫଳ କାର୍ଯ୍ୟାନ୍ବୟନ ପାଇଁ ଅଙ୍ଗନୱାଡ଼ି କର୍ମୀ, ଆଶା କର୍ମୀ ଏବଂ ସ୍ୱାସ୍ଥ୍ୟ ବିଭାଗର କର୍ମଚାରୀମାନେ ଗର୍ଭବତୀ ମହିଳାଙ୍କୁ ସମୟରେ ପଞ୍ଜିକରଣ, ପ୍ରସବପୂର୍ବ ସ୍ୱାସ୍ଥ୍ୟ ପରୀକ୍ଷା, ସଂସ୍ଥାଗତ ପ୍ରସବ ଏବଂ ଶିଶୁ ଟିକାକରଣ ସମ୍ପର୍କରେ ସଚେତନ କରୁଛନ୍ତି। ସରକାରଙ୍କ ଏହି ପଦକ୍ଷେପ ମାତୃ ଓ ଶିଶୁ ମୃତ୍ୟୁହାର ହ୍ରାସ କରିବା ସହ ମହିଳାଙ୍କ ସ୍ୱାସ୍ଥ୍ୟ ଓ ପୋଷଣରେ ଉନ୍ନତି ଆଣିବାରେ ସହାୟକ ହେଉଛି। ରାୟଗଡା ଜିଲ୍ଲା ପ୍ରତିନିଧି ରୁଦ୍ର ଚୌଧୁରୀ ଙ୍କ ରିପୋର୍ଟ ବିଶେଷ ଖବର
