ପବିତ୍ର ରଜ ଉତ୍ସବ ରେ ବିଜୟପୁର ଦିବ୍ୟ ଦର୍ଶନ ଆଶ୍ରମରେ ସତ୍ ସଙ୍ଗ।

admin1 admin1
Jun 16, 2026 - 09:06
6
ପବିତ୍ର ରଜ ଉତ୍ସବ ରେ ବିଜୟପୁର ଦିବ୍ୟ ଦର୍ଶନ ଆଶ୍ରମରେ ସତ୍ ସଙ୍ଗ।

ପବିତ୍ର ରଜ ଉତ୍ସବ ରେ ବିଜୟପୁର ଦିବ୍ୟ ଦର୍ଶନ ଆଶ୍ରମରେ ସତ୍ ସଙ୍ଗ। ଗୁଣପୁର ୧୫/୬ ସଦ ଗୁରୁ ଶ୍ରୀ ଶ୍ରୀ ଅର୍ଜୁନଙ୍କ ପ୍ରତିଷ୍ଠିତ ଦିବ୍ୟ ଦର୍ଶନ ସଂଘ ଶିରିଝୋଲି ପଞ୍ଚାୟତ ନିକଟସ୍ଥ ବିଜୟପୁର ଜ୍ଞାନ ମନ୍ଦିର ପରିସର ମଧ୍ୟରେ ରଜ ସଂକ୍ରାନ୍ତି ଉପଲକ୍ଷେ ଜ୍ଞାନ ଯଜ୍ଞ ଅନୁଷ୍ଟିତ ହୋଇ ଥିଲା। ଉକ୍ତ ଜ୍ଞାନ ଯଜ୍ଞରେ ବରିଷ୍ଟ ଗୁରୁ ଭାଇ- ଶ୍ରୀ ଧନଞ୍ଜୟ ବେହେରା ଭାଇ , ଶ୍ରୀ ଅନୁସେଠୀ ଭାଇ ଶ୍ରୀ ରାମାରାଓ ଭାଇ ଯୋଗଦାନ କରି ଦିବ୍ୟ ଦର୍ଶନ ସଂଘର ଦର୍ଶନ ତତ୍ତ୍ଵ ଉପରେ ଆଲୋକ ପାତ କରିଥିଲେ। ସଦ ଗୁରୁ ଶ୍ରୀ ଶ୍ରୀ ଅର୍ଜୁନଙ୍କ ଅମୃତ ବାଣୀ ହେଲା-: ହେ ମାନବ! ଆଉ କେତେଦିନ ନିଜର ପ୍ରକୃତ ସ୍ୱରୂପକୁ ଭୁଲି ରଙ୍ଗ ମଞ୍ଚର ଏହି କୃତ୍ରିମ ବେଶକୁ ନିଜର ସ୍ୱରୂପ ଓ ତାହାକୁ ଆବାସ ସ୍ଥଳ ଭାବି ଲୋଭ, ମୋହ,ମନ, ଅଭିମାନ ଅଗ୍ନିରେ ଜଳିପୋଡ଼ି ଅସହ୍ୟ ଯନ୍ତ୍ରଣା ଭୋଗ କରିବ? ଉଠ- ଅନ୍ତରସ୍ଥ ଜ୍ଞାନାଗ୍ନିକୁ ପ୍ରଜ୍ଜ୍ୱଳିତ କର। ଯିବାକୁ ପ୍ରସ୍ତୁତ ହୁଅ, ତୁମର ସେହି ଶାନ୍ତିମୟ ଅମର ଦିବ୍ୟ ଧାମକୁ ଏବଂ ଫେରି ପାଅ ସେହି ନିତ୍ୟ, ସତ୍ୟ ଓ ପବିତ୍ର ସ୍ୱରୂପକୁ। ତେବେଯାଇ ସମସ୍ତ ଦୁଃଖ ଓ ଭୟରୁ ମୁକ୍ତ ହେବ। ମନେ ରଖ! ତୁମେ ଆମର ଓ ମୁକ୍ତ ପୁରୁଷ!!! ତୁମେ ଦିବ୍ୟ, ଦିବ୍ୟ ତୁମର କାମ୍ୟ, ଦିବ୍ୟ ତୁମର ଆଧାର, ଦିବ୍ୟ ତୁମର ଜୀବନ ଏବଂ ଦିବ୍ୟ ହିଁ ତୁମର ସ୍ୱରୂପ। ଯଦି ବଞ୍ଚିବାକୁ ଚାହଁ, ତେବେ କର୍ତ୍ତବ୍ୟ ନିଷ୍ଟ ହୁଅ। ଯଦି ସୁଖ ଶାନ୍ତି ଚାହଁ, ତେବେ ଦୈବୀ ଗୁଣ ଧାରଣ କର, ଯଦି ମୁକ୍ତି ଚାହଁ ତେବେ ଆତ୍ମ ଜ୍ଞାନ ଲାଭ କର। ମନୁଷ୍ୟ ଜନ୍ମ ଦେବ ଦୁର୍ଲଭ ହୋଇଥିବାରୁ ନିଜ ଭିତରେ ଅସୀମ ଶକ୍ତିର ଭଣ୍ଡାର ରହିଛି। ତେଣୁ ସଦ ଗୁରୁ ବରଣ କରି ମନୁଷ୍ୟ ଦିବ୍ୟ ଜ୍ଞାନ ଶିକ୍ଷା କଲେ ନିଶ୍ଚିତ ଭାବରେ ମୁକ୍ତି ଲାଭ କରିପାରିବ। ଏହି ଜ୍ଞାନ ଯଜ୍ଞରେ ଗୁରୁ ଭାଇ ଶ୍ରୀ ରୁଦ୍ର ଚୌଧୁରୀ, ସୀମାଞ୍ଚଳ ରାଓ, ଏସ ଗୌରିଶଙ୍କର ରାଓ, ଜଗା ରାଓ, ସନ୍ତୋଷ ବେହେରା ସମେତ ଶତାଧିକ ଲୋକ ଯୋଗଦାନ କରି ଅମୃତ ରସ ପାନ ନିଜକୁ ଭାଗ୍ୟ ମଣି ଥିଲେ। ଆଜିର କାଯ୍ୟକ୍ରମ ରେ ବିଜୟୀ ପୁର ଦିବ୍ୟଦର୍ଶନ ଆଶ୍ରମ ଦିବ୍ୟ ପରିବାର ସମସ୍ତ ସହଯୋଗ କରିଥିଲେ ପ୍ରାୟ ଦୁଇ ଶହ ରୁ ଉର୍ଦ୍ଧ ଗୁରୁ ଭାଇ ତଥା ଗୁରୁ ଭଉଣୀ ସାମିଲ ହୋଇ ପ୍ରସାଦ ସେବନର ବ୍ୟବସ୍ଥା ରଖା ଯାଇଥିଲା ରାୟଗଡା ଜିଲ୍ଲା ପ୍ରତିନିଧି ରୁଦ୍ର ଚୌଧୁରୀ ଙ୍କ ରିପୋର୍ଟ ବିଶେଷ ଖବର