VB-G, RAM-G ୨୦୨୬–୨୭ ବର୍ଷର ନୂତନ ପ୍ରକଳ୍ପ କାର୍ଯ୍ୟ ଖସଡ଼ା ପ୍ରସ୍ତୁତି ନିମନ୍ତେ ମେକ୍କା ଗ୍ରାମପଞ୍ଚାୟତରେ ବୈଠକ ଅନୁଷ୍ଠିତ

VB-G, RAM-G ୨୦୨୬–୨୭ ବର୍ଷର ନୂତନ ପ୍ରକଳ୍ପ କାର୍ଯ୍ୟ ଖସଡ଼ା ପ୍ରସ୍ତୁତି ନିମନ୍ତେ ମେକ୍କା ଗ୍ରାମପଞ୍ଚାୟତରେ ବୈଠକ ଅନୁଷ୍ଠିତ

ମାଲକାନଗିରି ଜିଲ୍ଲାର ମାଥିଲି ବ୍ଲକ ଅନ୍ତର୍ଗତ ମେକ୍କା ଗ୍ରାମପଞ୍ଚାୟତ କାର୍ଯ୍ୟାଳୟ ପରିସରରେ ୨୦୨୬–୨୭ ଆର୍ଥିକ ବର୍ଷ ପାଇଁ VB-G ଏବଂ RAM-G ଯୋଜନା ଅଧୀନରେ ନୂତନ ପ୍ରକଳ୍ପ କାର୍ଯ୍ୟର ଖସଡ଼ା ପ୍ରସ୍ତୁତି ନିମନ୍ତେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା।

ଏହି ବୈଠକରେ ମେକ୍କା ଗ୍ରାମପଞ୍ଚାୟତର ସରପଞ୍ଚ ଶ୍ରୀମତି ରଞ୍ଜିତା ପୂଜାରୀଙ୍କ ଅଧ୍ୟକ୍ଷତାରେ ସମସ୍ତ ୱାର୍ଡ ମେମ୍ବର, ଗ୍ରାମପଞ୍ଚାୟତର ଜନସାଧାରଣ, ଜୁନିଅର ଇଞ୍ଜିନିୟର (JE), ପଞ୍ଚାୟତ ଏକ୍ସିକ୍ୟୁଟିଭ ଅଫିସର (PEO), ସହକାରୀ କୃଷି ଅଧିକାରୀ (ADO) ଏବଂ ସମସ୍ତ ଗାଁ ସାଥୀ ଉପସ୍ଥିତ ଥିଲେ। ବୈଠକରେ ଆସନ୍ତା ଆର୍ଥିକ ବର୍ଷରେ ଗ୍ରାମର ସାମଗ୍ରିକ ବିକାଶ, ମୌଳିକ ସୁବିଧାର ବୃଦ୍ଧି ଏବଂ ଜନସାଧାରଣଙ୍କ ଆବଶ୍ୟକତା ଆଧାରିତ ବିଭିନ୍ନ ବିକାଶମୂଳକ ପ୍ରକଳ୍ପ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା।

ଗ୍ରାମରେ ରାସ୍ତାଘାଟର ଉନ୍ନତି, ପାନୀୟ ଜଳ ବ୍ୟବସ୍ଥା, ନିଷ୍କାସନ ପ୍ରଣାଳୀ, କୃଷି ଓ ଜୀବିକା ବିକାଶ, ସାମୁଦାୟିକ ଭିତ୍ତିଭୂମି, ଜଳ ସଂରକ୍ଷଣ, ବୃକ୍ଷରୋପଣ, ପରିବେଶ ସୁରକ୍ଷା ଏବଂ ଅନ୍ୟାନ୍ୟ ଜନହିତକର କାର୍ଯ୍ୟକୁ ପ୍ରାଥମିକତା ଦେଇ ନୂତନ ପ୍ରକଳ୍ପର ଖସଡ଼ା ପ୍ରସ୍ତୁତ କରାଯାଇଥିଲା। ଉପସ୍ଥିତ ଗ୍ରାମବାସୀମାନେ ନିଜ ନିଜ ୱାର୍ଡର ସମସ୍ୟା ଓ ବିକାଶ ସମ୍ପର୍କିତ ପ୍ରସ୍ତାବ ରଖିଥିଲେ, ଯାହାକୁ ବିଚାରକୁ ନିଆଯାଇଥିଲା।

ବୈଠକରେ ସରକାରଙ୍କ ଯୋଜନାକୁ ସ୍ୱଚ୍ଛତା, ଜନଭାଗିଦାରି ଏବଂ ନିୟମାନୁସାରେ କାର୍ଯ୍ୟକାରୀ କରିବା ଉପରେ ଗୁରୁତ୍ୱ ଦିଆଯାଇଥିଲା। ଗ୍ରାମର ପ୍ରକୃତ ଆବଶ୍ୟକତା ଅନୁଯାୟୀ ପ୍ରକଳ୍ପ ଚୟନ କରାଯିବା ସହିତ ଉନ୍ନୟନ କାର୍ଯ୍ୟରେ ସମସ୍ତଙ୍କ ସହଯୋଗ ଓ ସକ୍ରିୟ ଅଂଶଗ୍ରହଣ ନିମନ୍ତେ ଆହ୍ୱାନ କରାଯାଇଥିଲା।

ଶେଷରେ ସମସ୍ତ ଉପସ୍ଥିତ ଜନପ୍ରତିନିଧି, ବିଭାଗୀୟ ଅଧିକାରୀ ଓ ଗ୍ରାମବାସୀମାନେ ଗ୍ରାମର ସର୍ବାଙ୍ଗୀଣ ବିକାଶ ପାଇଁ ଏକତ୍ର ହୋଇ କାମ କରିବାକୁ ସଂକଳ୍ପ ଗ୍ରହଣ କରିଥିଲେ। ବୈଠକଟି ସୁଚାରୁ ଓ ସଫଳ ଭାବେ ସମାପ୍ତ ହୋଇଥିଲା

 (ମାଥିଲି ରୁ ଶିବପ୍ରସାଦ ପରିଛା ପ୍ପେସାଲ ରିପୋଟର )