ବେଲେଶ୍ୱର ସାହିତ୍ୟ ସଂସଦର ନିଦାଘ ଆସର ।

admin1 admin1
Jun 10, 2026 - 15:02
85
ବେଲେଶ୍ୱର ସାହିତ୍ୟ ସଂସଦର ନିଦାଘ ଆସର ।

ବେଲେଶ୍ୱର ସାହିତ୍ୟ ସଂସଦର ନିଦାଘ ଆସର । ପଟ୍ଟାମୁଣ୍ଡାଇ : ୦୮/୦୬ ସାହିତ୍ୟ ସର୍ଜନା ଉପର ଋତୁ ମାନଙ୍କର ପ୍ରଭାଵ ରହିଛି । ସ୍ରଷ୍ଟାର ମନୋସ୍ଥିତି ଉପରେ ଭିନ୍ନଭିନ୍ନ ଋତୁର ଅଲଗା ଅଲଗା ଅଲଗା ପ୍ରଭାଵ ପ୍ରକାଶ ପାଏ । ବର୍ଷା, ବସନ୍ତ, ଶରତ ଓ ଗ୍ରୀଷ୍ମର ପ୍ରଭାବରେ ଲେଖନୀରୁ ଅଲଗା ଭାବର ଲେଖା ଝରିଆସେ । ଆଜି ବେଲେଶ୍ୱର ସାହିତ୍ୟ ସଂସଦ ପଟ୍ଟାମୁଣ୍ଡାଇର ନିଦାଘ ସାହିତ୍ୟ ଆସରରେ ଯୋଗଦେଇ ବକ୍ତାମାନେ ଏହି ମତବ୍ୟକ୍ତ କରିଛନ୍ତି । ସ୍ଥାନୀୟ ଟାଉନ୍ କ୍ଲବ୍ ପରିସରରେ ସଂସଦର ସଭାପତି କବି ବ୍ରଜବନ୍ଧୁ ଦାସଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଯୋଦେଇଥିଲେ ଶିକ୍ଷାବିତ୍ ତଥା ପ୍ରାକ୍ତନ ଅଧ୍ୟକ୍ଷ ରମେଶ ଚନ୍ଦ୍ର ଜେନା ସମ୍ମାନିତ ଅତିଥି ଭାବେ କଥାକାର ପ୍ର. କୈଳାସ ଚନ୍ଦ୍ର ପାତ୍ର, କବି ମହନ୍ତ କୁମାର ମଲିକ । ନିଦାଘ ସମୟର ଅନୁଭୂତିକୁ ନେଇ ଏକ ମନୋଜ୍ଞ କବିତା ପାଠ କାର୍ଯ୍ଯକ୍ରମରେ କବି ପ୍ରସନ୍ନ ବେହୁରା, ବ୍ୟଙ୍ଗ କବି ଦେବାଶିଷ ପ୍ରଧାନ, ସୁଚିତ୍ରା ଗୁପ୍ତ , ବୈଷ୍ଣବ ମଳିକ, ସୁଶାନ୍ତ କୁମାର ଦାଶ, ଇ. ତପନ କୁମାର ପାତ୍ର ପ୍ରମୁଖ କବି ସ୍ୱରଚିତ କବିତା ଆବୃତ୍ତି କରି ଶ୍ରୋତାମାନଙ୍କୁ ଆମୋଦିତ କରିଥଲେ । ଏହି ଅବସରର କବି ସୁଚିତ୍ରା ଗୁପ୍ତ ଏବଂ ବୈଷ୍ଣବ ମଳିକଙ୍କୁ ଅତିଥିମାନେ ସମ୍ବର୍ଦ୍ଧିତ କରିଥିଲେ । ନିଦାଘ୍ କବିତା ଆସରର ପ୍ରାରମ୍ଭିକ ସୂଚନା ପ୍ରଦାନ କରିଥଲେ ବରିଷ୍ଠ କଥାକାର ପ୍ରଦୀପ ନାୟକ ।କାର୍ଯ୍ଯକ୍ରମରେ ଯୋଗ ଦେଇଥିଲେ ପ୍ର. ଭରତ ଚନ୍ଦ୍ର ପାତ୍ର, ଡ. କେଳୁଚରଣ ସ୍ୱାଇଁ, ପ୍ର. ପରୀକ୍ଷିତ ପାତ୍ର, ଶିକ୍ଷାବିତ୍,କଣ୍ଡୁରି ଚରଣ ସ୍ୱାଇଁ, ତ୍ରଇଲୋକ୍ୟ ପ୍ରାସାଦ ମିଶ୍ର, ନାଟ୍ୟକାର ଗୋଲକ ମହାରଣା , ଟାଉନ୍ କ୍ଲବର ସଭପତି କେତନ ଦାସ, ସମ୍ପାଦକ ରମେଶ ଦେ ଙ୍କ ସମେତ ବହୁ ସାହିତ୍ୟ ଶ୍ରଦ୍ଧାଳୁ । ଶେଷରେ ସଂସଦର ସମ୍ପାଦକ ପ୍ରମୋଦ କୁମାର ସାହୁ ଧନ୍ୟଵାଦ ଅର୍ପଣ କରିଥିଲେ । ସଞ୍ଜୟ କୁମାର ପଣ୍ଡା ବିଶେଷ ଖବର ଜିଲ୍ଲା ପ୍ରତିନିଧି, କେନ୍ଦ୍ରାପଡ଼ା